DÍA 3: AMAYA GONZÁLEZ REYES + CÓMICS

DÍA 3: AMAYA GONZÁLEZ REYES + CÓMICS

Benvidos de novo ó noso blog, hoxe tivemos unha xornada chea de historias e, como ven sendo habitual, chea de emocións e creatividade, desta vez "made in Galicia", así que  hoxe todo queda na casa...

AMAYA GONZÁLEZ REYES

Esta artista natural de Sanxenxo é moi recoñecida no panorama artístico internacional. Temos que estarlle moi agradecidos, xa que gracias á xenerosidade de Amaya temos moitas e moi diversas imaxes sobre a súa obra e o seu proceso creativo directamente da man da artista. Alguén escribiu sobre Amaya que "deseña un espazo lúdico á súa propia escala, toma as medidas do que ten diante e acciona a estética dunha metodoloxía. Qué se pode facer con...? Sería, podería... E se fago esto...? E estoutro...?" Vamos, que a esta artista gústalle xogar, probar, experimentar... o mesmo ca nós!

 

 


E inspirándonos nun dos seus últimos traballos tivemos unha lección de origami...

Grulla, da serie Días Soleados

...Fixemos uns barquiños de vivas cores que deixaremos da man do transcurso do tempo e da luz para ver que lles fan estes dous cara o final do campamento.

Seguimos traballando a creatividade hoxe cuns aparellos que se fan chamar STORY- CUBES que nos axudaron a crear historias que representamos en equipo.

Do cómic á novela gráfica

Finalmente visitamos no Museo de Pontevedra a exposición sobre Cómic. "Sorpresa" é a emoción que máis sentimos ao facer a visita guiada e descubrir cousas como de onde recollen a inspiración os artistas (desde a súa vida cotiá ata a súa experiencia biográfica pasando polas historias biblicas, os libros de Historia universal ou os filmes de Ciencia Ficción), cal é o proceso de creación (desde os primeiros bosquexos no caderno de apuntes ata o tratamento dixital das imaxes) e cómo algunhas historias de banda deseñada se representaron no cine como Arrugas ou filmes de animación como De Profundis, de Miguelanxo Prado, que nos gustou especialmente.

E isto e todo amigos! ata mañán!